Detailed syllabus by chapters and units
Теориски основи на HTML и CSS: Историја, веб стандарди и верзии, HTML елементи и атрибути, начини за дефинирање CSS стилови, процес на креирање на веб страници. Работа со HTML и CSS: Изработка на едноставни веб страници со различни HTML елементи, како заглавја, параграфи, табели, листи, форми итн. и нивно стилизирање со Inline, Internal и External CSS. Студентите ќе бидат запознаени со основните веб стандарди (HTML и CSS), која е нивната намена и како се работи со нив. Работа со HTML графика: Основни поими, растерска и векторска графика, формати на графички датотеки (JPEG, GIF, PNG, WebP, SVG, Canvas) и нивни карактеристики и примена, ставање на растерски и векторски слики во веб страници. Студентите ќе се запознаат со можните начини за поставување на графички елементи на веб страници. HTML мултимедија (аудио / видео): Формати на мултимедиски датотеки поддржани во веб прелистувачите, начини за вметнување на мултимедиски содржини во веб страници. Студентите ќе се запознаат со можностите за прикажување на мултимедиски содржини (аудио / видео) во
веб страници. CSS претпроцесори (SASS, LESS) и CSS minifiers: Работа со LESS, работа со SASS, апликација за компајлирање на SCSS во CSS, минимизирање на CSS код. Студентите ќе се запознаат со напредните можности за CSS претпроцесорите и начините за минимизирање на CSS датотеките. CSS развојни рамки: Запознавање со најпопуларните CSS развојни рамки (Bootstrap, Foundation, Pure.csss итн.). Работа со Pure.css. Студентите ќе се запознаат со процесот на дизајнирање веб страници со користење на CSS развојни рамки. Client Side Scripting (JavaScript): Работа со JavaScript DOM и jQuery. Студентите ќе се запознаат со програмирањето на клиентска страна (односно веб прелистувачот), односно манипулирање на HTML елементите и нивните атрибути и стилови со помош на JavaScript. Server Side Scripting (PHP). Основи на програмирањето на серверска страна со PHP. Студентите ќе се запознаат со можностите за креирање динамички веб страници и апликации со програмирање на страната на веб серверот со програмскиот јазик PHP. Server Side Scripting со JavaScript (Node.js, Deno): Историја, карактеристики и примена на Node.js и Deno. Студентите ќе се запознаат со програмирањето на серверска страна со JavaScript и неговите позитивните и негативните страни. Asynchronous JavaScript and XML (AJAX). Работа со XMLHttpRequest (XHR), работа со Fetch API. Студентите ќе се запознаат со начините за асинхрона размена на податоци со серверот, односно со таканаречените AJAX технологии. Hypertext Transfer Protocol (HTTP): Историја на HTTP, карактеристики на HTTP, структура на HTTP пораките, HTTP заглавја. Студентите ќе се запознаат со HTTP протоколот, неговите карактеристики и начините на функционирање. Адаптивен (прилагодлив) веб дизајн (Responsive Web Design): Meta Viewport, Media Queries, Responsive text, images, videos, Mobile first. Студентите ќе се запознаат со техниките за креирање на прилагодлив дизајн за различните типови на уреди: десктоп, лаптоп, таблет, паметен телефон. Формати на датотеки за размена на податоци (XML, JSON): Структура и карактеристики на XML и JSON. Размена на податоци во XML и JSON формат со користење на Web API. Студентите ќе се запознаат со основните карактеристики на најкористените формати на датотеки за размена на податоци помеѓу HTTP клиент и сервер. Search Engine Optimization (SEO): Што е SEO. Како работат машините за пребарување на World Wide Web (WWW).
Начини за оптимизација кај машините за пребарување на WWW. Студентите ќе се запознаат со правилата и техниките за оптимизација на листањето на саканите веб страници во машините за пребарување.
Веб сервери (Apache, Nginx, Lightspeed, Microsoft IIS, Node.js, Lighttpd итн.): Карактеристики, перформанси и примена на најпопуларните веб сервери. Студентите ќе ги запознаат карактеристиките и перформансите на најпопуларните веб сервери и нивната најсоодветна примена.