Детална содржина по поглавја и единици
Вовед: концепт, управување, типови на информациските системи. Резултати од учењето: стекнување со знаење за деловните информациски системи и да ги идентификуваат функциите на различните типови ИС во деловните организации.
Планирање и развој на ИС: методологии за развој на ИС, управување со проектите за развој на ИС, нови трендови во развојот на ИС. Резултати од учењето: стекнување со знаење за различните методологии за развој на ИС и да ги дискутираат предностите и недостатоците на различните пристапи за развој на ИС.
Креирање и одржување на стратешки информациски системи, пристапи и предизвици. ИТ инфраструктура. Резултати од учењето: стекнување со знаење за фундаменталните барања за развој на стратешките ИС и да идентификуваат клучните критериуми за евалуација и избор на ИТ инфраструктура.
Ризици и заштита на ИС. Резултати од учењето: запознавање со економските аспекти на безбедноста на информациите и главните видови ризици за информациските системи како и различни контролни и безбедносни мерки за заштита на ИС.
ИС во функција на деловното работење: Веб-базирана организација во глобалното опкружување; Трансакциско процесирачки системи (TPS); Системи за планирање на ресурсите (ERP); Системи за поддршка на одлучувањето (DSS); Експертски системи (ES); Системи за управување со знаења (KMS). Резултати од учењето: стекнување со знаење за клучните компоненти од технолошката инфраструктура на различните ИС, нивната функција и придобивките од нивната примена во деловна организација.
Лабораториски вежби: Развивање на веб-базирано решение за ДО; Анализа на ERP системи. Резултати од учењето: стекнување со вештини за развивање на веб-базирано решение за деловна организација согласно специфичните барања на организацијата; стекнување знаење за дизајн и развој на ERP систем преку компаративна анализа на функционалностите на две различни ERP решенија.