Детална содржина по поглавја и единици
Вовед во јавен сектор и е-влада. Резултат: стекнато знаење за јавниот сектор, значењето на примената на информатичките технологии во јавниот сектор. Концепт на е-влада. Резултат: стекнати сознанија за концептот е-влада преку негово дефинирање од повеќе аспекти. Столбови на е-влада. Резултат: стекнати знаења за онлајн релациите на корисниците со државата од различни аспекти и сегменти. Модели и фази на е-влада. Резултати: запознавање со различните модели за развој на е-влада и совладување на еден од нив, со цел преку постигнатата фаза да може се воочи степенот на развој на е-влада во една држава. Е-сервиси. Резултати: стекнување знаења за електронски јавни услуги, нивните компоненти, видови и карактеристики
според моделот на „дијамант“. Интероперабилност и интеграција при имплементација на е-влада. Резултати: стекнати знаења за потребите од интеграција при е-влада и за различните видови на интеграција, мултидисциплинарниот пристап на ИТ решенијата. Интернет базирани бизнис модели во јавниот сектор. Резултати: стекнати знаења за онлајн бизнис моделите присутни во решенијата на е-сервисите. Предуслови, предизвици и фактори на влијание во процесот на имплементација на е-влада. Резултати: стекнати сознанија за правните, политичките, законските, техничките, финансиските, организациските и социо-културните предизвици, предуслови и фактори. Воведување на е-влада во РСМ. Резултати: историски преглед на клучни моменти од развојот на е-влада во РСМ. Наредни фази од развојот на е-влада. Резултати: стекнати знаења за: отворена влада, м-влада, паметна влада и дигитална влада.